საგანმანათლებლო პროექტი
თქვენი ან თქვენი კომპანიის სახელით შეგიძლიათ ნებისმიერი სკოლის მოსწავლეებს მოუწყოთ შემეცნებითი დღესასწაული და აზიაროთ თეატრის კულტურას.
ექსკურსია
რუსთაველის ეროვნული თეატრის მუზეუმი ექსკურსიებს აწყობს, როგორც მოზარდებისა და სტუდენტებისთვის, ასევე უცხოელი სტუმრებისა და ყველა დაინტერესებული პირისთვის.
ლოჟების შეძენა
იქირავეთ რუსთაველის თეატრში ბენუარის ან ბელეტაჟის ლოჟა და ისარგებლეთ შემდეგი პრივილეგიებით
!
სიახლე
რუსთაველის ეროვნული თეატრი კატეგორიულად ემიჯნება ყოველგვარ ძალადობას! დემონსტრაციების პირველივე დღიდან მოიხსნა ყველა სპექტაკლი და ღონისძიება, თეატრის კარი 24 საათის განმავლობაში ღია იყო დემონსტრანტებისთვის. თეატრის დაცვას დახმარებას უწევდნენ თეატრის სხვა თანამშრომლებიც, რათა ახალგაზრდები არ დაშავებულიყვნენ. მიუხედავად იმისა, რომ მიმდინარე მოვლენების დროს, მატერიალური ზიანი მიადგა თეატრის შენობას, მადლობას ვუხდით ყველას, ვინც მაღალი მოქალაქეობრივი თვითშეგნება გამოიჩინა და აგვარიდა უფრო დიდი უარყოფითი შედეგი. გუშინ გავრცელდა ინფორმაცია თითქოს თეატრის შენობის სახურავიდან (რომელზედაც, ფეხით გავლა შეუძლებელია შენობის კონსტრუქციიდან გამომდინარე) ახალგაზრდების მიმართულებით ისროდნენ ცრემლსადენ კაფსულებს. მთელი პასუხისმგებლობით ვაცხადებთ, რომ ეს არის ტყუილი! ასეთ ემოციურ ფონზე, ასეთ ცილისწამებას შეიძლება გამოუსწორებელი შედეგი მოჰყვეს! აქედან გამომდინარე უმორჩილესად გთხოვთ, არ აჰყვეთ ამ ცრუ ინფორმაციას! რუსთაველის ეროვნული თეატრი ყოველთვის თავისი სამშობლოს და ქართველი ხალხის გვერდით იდგა და იდგება!
სპექტაკლები მოხსნილია!
სიახლე
ქვეყანაში შექმილი ვითარებიდან გამომდინარე, რუსთაველის ეროვნულ თეატრში დეკემბერში დანიშნული ყველა სპექტაკლი მოხსნილია. თეატრის სალაროში შეძენილი ბილეთები შეგიძლიათ დააბრუნოთ, ( გთხოვთ გაითვალისწინოთ, რომ სალარო იმუშავებს 5 დეკემბრიდან) biletebi.ge -ზე შეძენილი ბილეთების თანხა ავტომატურად დაგიბრუნდებათ ანგარიშზე!